Tað var ikki hissini úrslit, tá ið teir næstbestu hjá B36 tíðliga seinnapartin vóru gestir uppi á Brekku í Leirvík, har teir næstbestu hjá Víkingi eiga heimavøll.
Víkingur vann 6-1 eftir 2-1 í fyrra hálvleiki. Eftir lítlari løtu, tá ið eitt stórt korter var farið, skoraðu Regin Jensen og Bergur Jákupsson Poulsen, og so var 2-0. Felags fyri teir báðar, Regin og Berg, var tað, at hetta var fyrsta ferðin í ár, at teir vóru málsjúttar í næstbestu deildini.
Fimm minuttir undan steðginum minkaði Gilli Samuelsen um munin til 2-1. Hann hevur skorað sjey mál í fimm teimum seinastu dystunum, og tilsaman hevur hann skorað 10 mál í ár.
Eftir steðgin var heimaliðið greitt omaná. Víkingur skoraði fýra mál, og bæði Rani Hansen og Magnus Heinason vóru tvímálskjúttar.
Sigurin ber við sær, at Víkingur aftur er næstfremst. Stigatalið er tað sama, sum tað er hjá NSÍ, men málmunurin er betur hjá Víkingi. B36 er á sætta plássi.
Leygardagin fer Víkingur at spæla á útivølli ímóti AB, og B36 fer sunnudagin at spæla á Skála.
| Skála | 18 | 12 | 1 | 5 | 40 | 20 | 37 |
| Víkingur | 19 | 10 | 2 | 7 | 51 | 33 | 32 |
| NSÍ | 19 | 10 | 2 | 7 | 43 | 36 | 32 |
| B71 | 18 | 9 | 2 | 7 | 39 | 30 | 29 |
| AB | 17 | 8 | 4 | 5 | 35 | 28 | 28 |
| B36 | 19 | 7 | 4 | 8 | 31 | 41 | 25 |
| EB/Streymur | 19 | 7 | 1 | 11 | 32 | 44 | 22 |
| HB | 19 | 7 | 0 | 12 | 27 | 43 | 21 |
| FC Suðuroy | 18 | 5 | 4 | 9 | 31 | 42 | 19 |
| KÍ | 18 | 5 | 4 | 9 | 24 | 36 | 19 |
Mikudagin 18. august
AB - KÍ
Leygardagin 21. august
KÍ - NSÍ
EB/Streymur - B71
HB - FC Suðuroy
AB - Víkingur
Sunnudagin 22. august
Skála - B36
