VÍF hevði knívin á barkanum, tá tær í dag tóku móti VB. Hetta sást eisini á spælarunum, sum algoystar fóru inn á vøllin. Fyrstu fimm minuttirnar skoraði VÍF fimm ferðir, meðan gestirnir einki mál fingu, og so var linjan líkasum løgd.
Hóast VB fekk betur tamarhald á spælinum, so megnaðu tær ongan tíð aftur at skapa nakað av spenningi í dystinum, og so kundu tær á heimaliðnum fegnast um ein sera týðandi sigur.
Í Havn spældi Kyndil móti Søljuni, og her hevði Kyndil ikki stórvegis trupulleikar við at vinna sær stigini. Sigurin ber samstundis við sær, at Kyndil styrkti um sína støðu í oddinum, nú VB ikki fekk stig í Vestmanna.
VÍF-VB 28-21 (16-10)
Kyndil-Søljan 37-13 (22-9)
