Føroyski landsliðsbakkurin, Viljormur Davidsen var liðskipari hjá Vejle, tá Vejle tók ímóti Skive IK, sum er liðið hjá Jákupi Thomsen. Jákup Thomsen hevur tíverri drigist við skaða seinastu vikurnar, so talan gjørdist ikki um eina føroyingauppgerð í hesum dystinum. Skive vann 2-0. Skive var á odda 1-0 í steðginum.
Tá støðan var 0-0 hevði Vejle bóltin í málinum hjá Skive, men dómarin dømdi tíverri fyri Viljorm Davidsen og liðfelagarnar fyri rangstøðu.
TRÝST á PÍLIN á MYNDINI, og síggj hæddarpunktini frá dystinum millum Vejle og Skive. Tað er YouTube-rásin hjá Vejle, sum hevur lagt hæddarpunktini út.
Komandi sunnudag tekur Vejle ímóti Hobro.
Støðan í næstbestu donsku fótbóltsdeildini:
| 1 | Hobro | 20 | 10 | 4 | 6 | 33 - 23 | 34 | |
| 2 | FC Roskilde | 20 | 9 | 6 | 5 | 28 - 25 | 33 | |
| 3 | Vendsyssel FF | 20 | 9 | 5 | 6 | 31 - 27 | 32 | |
| 4 | Skive | 20 | 10 | 2 | 8 | 25 - 31 | 32 | |
| 5 | Nykøbing FC | 20 | 9 | 3 | 8 | 28 - 27 | 30 | |
| 6 | Fremad Amager | 20 | 7 | 8 | 5 | 29 - 21 | 29 | |
| 7 | HB Køge | 20 | 6 | 10 | 4 | 21 - 16 | 28 | |
| 8 | FC Helsingør | 20 | 6 | 9 | 5 | 26 - 23 | 27 | |
| 9 | Fredericia | 20 | 7 | 5 | 8 | 20 - 27 | 26 | |
| 10 | Vejle | 20 | 6 | 7 | 7 | 27 - 21 | 25 | |
| 11 | Næstved | 20 | 6 | 3 | 11 | 31 - 36 | 21 | |
| 12 | AB Gladsaxe | 20 | 3 | 2 | 15 | 21 - 43 | 11 |
