Lagið er gott hjá Viljormi Davidsen og liðfeløgunum í Helsingborg í kvøld.
Helsingborg spældi heimadyst í bestu svensku fótbóltsdeildini móti Göteborgs-liðnum, Häcken í dag, og tað eydnaðist Helsingborg at tryggja sær eitt stig í 96. minutti við seinasta sparkinum í dystinum.
Charlie Weberg gjørdist stóra hetjan hjá heimafjøldini tá hann sera vakurt sendi eitt beinleiðis fríspark í netið til javnleik 1-1 meir enn seks minuttir inni í tíðini dómarin hevði lagt aftrat.
Häcken legði seg á odda 1-0 tá 10 minuttir vóru farnir av seinna hálvleiki. Bæði liðini høvdu góðar málmøguleikar, og dysturin kundi verið endaður 2-2 ella 3-3.
Viljormur spældi allan dystin fyri Helsingborg.
Helsingborg hevur fýra stig fyri fimm teir fyrstu dystirnar hetta kappingarárið.
Komandi sunnudag spælir Helsingborg móti Mjällby á útivølli.
HER ber til at síggja hæddarpunktini frá dystinum millum Helsingborg og Häcken:
##med2##
