Viljormur í Heiðunum Davidsen var aftur í dag liðskipari hjá Helsingborg, ið tapti 0-2 fyri Kalmar í dysti í bestu svensku fótbóltsdeildini.
Kalmar skoraði til 1-0 longu tá fimm minuttir vóru farnir av dystinum.
Tá Kalmar økti til 2-0 meinti liðskiparin hjá Helsingborg og hansara viðspælarar, at Simon Skrabb var rangstaddur tá hann beindi bóltin í málið, men dómarin lat ikki við seg koma.
Helsingborg er nú næstaftast í deildini við 17 stigum. Helsingborg hevur fýra stig upp til Degerfors, ið hevur 21 stig.
Helsingborg hevur seks dystir eftir í kappingini til at røkka triðaftasta plássinum, ið gevur tveir dystir móti triðbesta liðnum í næstbestu deildini við kappingarenda.
HER ber til at síggja hæddarpunktini frá dystinum millum Kalmar og Helsingborg. Viljormur var sum tað sæst á upptøkunum rættiliga óður um, at 2-0 málið hjá Kalmar ikki var kolldømt sum rangstøða:
##med2##