Fótbóltslagið er munandi betri í Vejle nú.
Vejle hevur verið langt aftast, men seinastu umførini hava teir fingið stig og fyrsta sigurin, og í dag kom annar sigurin.
Hallur Hansson spældi allan dystin og Viljormur Davidsen slapp ikki á vøllin tá Vejle á heimavølli vann 3-1 á SønderjyskE. Hallur fekk eitt gult kort seint í dystinum.
Sigurin merkir, at nú er Vejle bert eitt stig frá næstaftasta plássinum. SønderjyskE hevur níggju stig og Vejle hevur átta stig.
Vejle – SønderjyskE 3-1 (1-0)
33. 1-0 Arbnor Mucolli
60. 2-0 Saeid Ezatolahi
63. 3-0 Duplexe Tchamba (sjálvmál)
90. 3-1 Emil Holm
Sunnudagin 21. november spælir Vejle á útivølli móti Randers.
HER ber til at síggja hæddarpunktini frá dystinum millum Vejle og SønderjyskE:
##med2##
