TRÝST á PÍLIN á MYNDINI, og síggj hæddarpunktini frá áttandapartsfinaluni í HM-endaspælinum í manshondbólti, har Svøríki frammanfyri 16.100 áskoðarum í Lille vann ein knúsandi 41-22 stórsigur á Hvítarusslandi. Longu í steðginum var Svøríki á odda 24-11, og tá var alt avgjørt.
Jim Gottfridsson gjørdist toppskjútti hjá Svøríki við átta málum. Týsdagin møtir Svøríki vertstjóðini, Fraklandi í fjórðingsfinaluni.
Katar vann óvæntað 21-20 á týsku evropameistarunum. Í steðginum var Týskland á odda 10-9. Kroatia toldi sína favorittstøðu ímóti Egyptalandi, og vann 21-19. Í steðginum var Kroatia á odda 13-7.
Allar fjórðingsfinalurnar verða leiktar týsdagin :
Klokkan 16: Noreg-Ungarn
Klokkan 18: Frakland-Svøríki
Klokkan 19.45: Slovenia-Katar
Klokkan 19.45: Spania-Kroatia
