Tað er langdrigið at útvega mál og hæddarpunkt frá næstbestu donsku fótbóltsdeildini. Og tað var serliga harmiligt nú Adrian Justinussen farna fríggjakvøld skoraði tvey mál fyri Hillerød móti Helsingør.
Longu í sjeynda minutti legði Adrian Hillerød á odda. Bert 10 minuttir seinni javnaði Helsingør upp á eitt brotsspark. Men longu í 21. minutti fekk Rasmus Møller Hillerød á sigurskós aftur.
Tá 56 minuttir vóru leiktir skoraði Adrian annað málið í kvøld og økti til 3-1. Nicklas Bjerre Schmidt legði upp til annað málið hjá Adrian.
Sebastian Pingel vildi eisini sleppa upp í part, og tá seks minuttir vóru eftir av vanligu leiktíðini økti hann til 4-1 aftaná eitt upplegg frá Lucas Bøje-Larsen.
Heilt móti endanum fekk Helsingør pyntað um úrslitið til 4-2.
HER ber til at síggja øll málini, ið vóru skotin í næstbestu donsku fótbóltsdeildini hetta umfarið. Málini frá dystinum hjá Fredericia, ið hevur Mattias H. Lamhauge í málinum, móti AaB síggjast fremst í brotinum. Næsta brotið er 4-2 sigurin hjá Hillerød á Helsingør.
