VIDEO: Ári og liðfelagarnir vunnu aftur

Ári Mohr Jónsson fekk aftur fulla spælitíð tá lið hansara í næstbestu norsku fótbóltsdeildini, Sandnes ULF vann 3-1 á Raufoss á heimavølli ígjár.

Talan er um triðja sigurin á rað hjá Ára Mohr Jónssyni og liðfeløgunum í Sandnes ULF. 

Sigurin merkir, at Sandnes ULF nú er nummar níggju av teimum 16 liðunum í næstbestu norsku fótbóltsdeildini við 32 stigum fyri 24 dystir. 12 stig eru niður til niðurflytingarstrikuna nú bert seks umfør eru eftir at leika. 

Komandi leygardag spælir Sandnes ULF á útivølli móti Start Kristiansand, ið liggur triðovast í deildini.

Sandnes Ulf - Raufoss 3-1 (1-0)

1-0 Kent Håvard Eriksen (29.)

2-0 Ingvald Halgunset (58.)

3-0 Adrian Berntsen (63.)

3-1 Parfait Bizoza (65.)

Her ber til at síggja hæddarpunktini frá dystinum millum Sandnes ULF og Raufoss:

<iframe src="https://video.qbrick.com/play2/embed/player?accountId=938352&amp;mediaId=a7b88f8b-00090097-aa572776&amp;pageStyling=styled" allowfullscreen="true" frameborder="0" border="0" width="640" height="360"></iframe>