Farna kappingarár var liðið hjá Patriki Johannesen, Breiðablik í bólkaspælinum í Conference League.
Teir skrivaðu søgu við at vera fyrsta íslendska liðið nakrantíð, ið vann seg í eitt bólkaspæl fyri felagslið. Breiðablik fekk - mótsatt KÍ - tó einki stig í bólkaspælinum.
Hetta kappingarárið verður tó einki evropeiskt bólkaspæl hjá Breiðablik.
Á útivølli í Kosovo taptu Patrik og liðfelagarnir 0-1 fyri Drita, og harvið samlað 1-3 í øðrum undanumfarinum í Conference League.
Patrik var á vøllinum seinasta korterið av dystinum, og hann hevði nakrar atsóknir móti málinum hjá Drita. Morgunblaðið skrivar, at við støðuna 0-0 var Höskuldur Gunnlaugsson feldur í brotsteiginum hjá Drita, men dómarin dømdi sambært Morgunblaðnum ikki eitt upplagt brotsspark til Breiðablik.
Seks minuttir seinni legði Kastriot Selmani Drita á odda 1-0 við einum dreymahøggi.
Breiðablik kann nú fokusera upp á heimligu kappingina. Komandi týskvøld hava teir dyst á Kópavogsvøllinum móti Fylkir í bestu íslendsku fótbóltsdeildini.
HER ber til at síggja sigursmálið hjá Drita, ið feldi Breiðablik:
##med2##
