Kolumbia hevur enn møguleika at vinna seg í áttandapartsfinaluna í HM-endaspælinum í Russlandi. Póland má ferðast heim aftur aftaná seinasta dystin ímóti Japan komandi hósdag. Tað gjørdist greitt tá Póland tapti 0-3 ímóti Kolumbia.
HERber til at síggja hæddarpunktini, og ikki minst tey vøkru málini hjá Kolumbia.
Í fyrra hálvleki stútaði miðverjin, Yerry Mina, bóltin í málið, eftir stutt hornaspark. Miðverjin, sum skifti til FC Barcelona í vetur, stóð sterkur í myndini í dag, har pólska stjørnan, Robert Lewandowski, hevði tað trupult.
Í seinna hálvleiki øktu Radamel Falcao og Juan Cuadrado til fyrst 2-0, og síðani til úrslitið 3-0. Kolumbia tóktist hava munin á Póllandi at kalla allan dystin.
Pólland – Kolumbia 0-3 (0-1)
0-1 Yerry Mina, 40
0-2 Radamel Falcao, 70
0-3 Juan Cuadrado, 75
Støðan í bólkinum:
1. Japan 4 (Stig)
2. Senegal 4
3. Kolumbia 3
4. Pólland 0
