Brasilska heimsstjørnan, Neymar skoraði fýra mál, tá Neymar og vinmenn spældu ein vælgerðardyst ímóti Robinho og vinmonnum til frama fyri brasilska fótbóltsfelagið, Chapecoense, sum misti 19 leikarar í einari flogvanlukku 28. november í ár.
Allur peningurin, sum kemur inn frá vælgerðardystinum fer óskerdur til Chapecoense.
Neymar og Robinho syrgdu saman við sínum liðfeløgum fyri einum framúr undirhaldandi dysti, sum endaði 13-9 til Neymar og vinmenn. Í steðginum vóru Neymar og vinmenn á odda 7-4.
TRÝST á PÍLIN á MYNDINI, og síggj nógv vøkur mál og nógvar vakrar detaljur, sum síggjast í hesum hæddarpunktunum, sum eru mong í einum so málríkum dysti.
