Lítla landið í Suðuramerika við bert 3,4 miljónum íbúgvum, Uruguay hevur vunnið enn eitt heiðursmerkið í altjóða fótbólti.
Í nátt føroyska tíð var bronsudysturin - hann halda tey fast við - leiktur í Copa America kappingini í Charlotte í North Carolina í USA.
Dysturin var millum Kanada og Uruguay.
Kanada var á odda tá 90 minuttir vóru leiktir, men tveir minuttir inni í yvirtíðini syrgdi 37 ára gamli málrevurin, Luis Suarez fyri at tryggja Uruguay brotssparkskapping.
Í brotssparkskappingini skoraði Luis Suarez saman við trimum liðfeløgum upp á fýra av fýra brotsspørkum. Ismael Kone og Alphonso Davies brendu fyri Kanada, og so vann Uruguay brotssparkskappingina 4-3 og harvið bronsu. Kanadiumenn kunnu tó vera ernir av einum flottum fjórða plássi.
Kanada-Uruguay 5-6 (2-2 - 1-1) - Bronsudystur
0-1 Rodrigo Bentancur ('8)
1-1 Ismael Kone ('22)
2-1 Jonathan David ('80)
2-2 Luis Suárez ('92)
3-4 Brotssparkskapping
HER ber til at síggja hæddarpunktini frá bronsudystinum:
##med2##
Klokkan eitt í nátt føroyska tíð spæla Argentina og Kolumbia finaluna í Copa America í Miami í Florida.
