Andrias Edmundsson spældi allan dystin, tá hann og liðfelagarnir í Wisla Plock á heimavølli á Orlen leikvøllinum spældu dyst í næstbestu pólsku fótbóltsdeildini móti Odra Opole.
Wisla vann dystin 2-1. Spaniumennirnir, Dani Pacheco og Jorge Jimenez syrgdu fyri málunum hjá Wisla í hvør sínum hálvleiki. Odra Opole minkaði um munin við einum brotssparki móti dystarenda.
Wisla er fjórðfremst í deildini við 37 stigum. Sjey stig eru upp til Arka Gdynia á øðrum plássinum. Nummar eitt og tvey flyta beinleiðis upp í bestu deildina, meðan nummar trý til seks spæla um uppflyting.
HER ber til at síggja hæddarpunktini frá dystinum Wisla Plock-Odra Opole 2-1 (1-0). Andrias sæst við nummar 19 á rygginum:
##med2##
