Jóan Símun Edmundsson spældi allan dystin fyri Arminia Bielefeld, ið vann 3-1 á Jahn Regensburg á útivølli í 2. bundesligu í Týsklandi.
Jóan Símun Edmundsson stútaði Arminia Bielefeld á odda 1-0 tveir minuttir undan steðginum. Bert ein minuttur var farin av seinna hálvleiki tá Jahn Regensburg javnaði til 1-1. Talan er um fyrsta málið hjá Jóan Símun hetta kappingarárið.
Tá 63 minuttir vóru farnir legði Manuel Prietl Arminia Bielefeld á odda 2-1, og 20 minuttir seinni staðfesti Reinhold Yabo sigurin hjá Arminia Bielefeld.
Arminia Bielefeld er fyribils oddalið í 2. bundesligu aftaná tveir sigrar og tveir javnleikir í fýra teimum fyrstu dystunum. Arminia Bielefeld er eisini víðari í týsku steypakappingini aftaná sigur á Victoria Berlin á útivølli.
Komandi leygardag spælir Arminia Bielefeld móti Greuther Fürth á heimavølli.
Her ber til at síggja málini sum komu í dystinum. Staðfestast má, at góðskan kundi verið frægari, men hetta eru so einasti hæddarpunktini sum eru tøk frá dystinum, fyribils:
##med2##
