TRÝST á PÍLIN á MYNDINI, og síggj hæddarpunktini frá dystinum í donsku superliguni millum AGF og OB, sum var spældur í Århus, har Jóan Símun Edmundsson var við á liðnum hjá OB frá dystarbyrjan.
OB vann 2-1. Jóan Símun legði OB á odda 1-0 í 71. minutti við einum sera vøkrum skoti frá brotsteigarmarkinum, og tað er eyka lívgandi hjá føroysku landsliðsfjepparunum at vita, at toftamaðurin er væl fyri áðrenn sera týðandi HM-undankappingardystin ímóti Andorra í Andorra La Velle komandi leygardag.
Frederik Tingager økti til 2-0 tveir minuttir aftaná Jóan Símun hevði lagt OB á odda. Duncan minkaði um munin til 1-2 í tíðini, sum dómarin hevði lagt aftrat.
Vakra málið var áttanda málið hjá Jóan Símuni Edmundssyni í superliguni hetta kappingarárið.
Endaliga støðan í grundspælinum í superliguni, har seks tey ovastu fara víðari til meistarabólkin, og hini spæla at sleppa undan niðurflyting:
| 1 | FCK | 26 | 19 | 7 | 0 | 57:10 | 64 |
| 2 | Brøndby | 26 | 15 | 7 | 4 | 52:23 | 52 |
| 3 | Lyngby | 26 | 11 | 6 | 9 | 25:23 | 39 |
| 4 | SønderjyskE | 26 | 10 | 9 | 7 | 30:32 | 39 |
| 5 | Midtjylland | 26 | 10 | 8 | 8 | 44:29 | 38 |
| 6 | Nordsjælland | 26 | 9 | 8 | 9 | 41:41 | 35 |
| 7 | Randers FC | 26 | 9 | 6 | 11 | 26:32 | 33 |
| 8 | AaB | 26 | 9 | 6 | 11 | 28:38 | 33 |
| 9 | Silkeborg | 26 | 7 | 9 | 10 | 31:46 | 30 |
| 10 | AC Horsens | 26 | 7 | 8 | 11 | 29:45 | 29 |
| 11 | OB | 26 | 7 | 7 | 12 | 26:32 | 28 |
| 12 | AGF | 26 | 6 | 7 | 13 | 33:40 | 25 |
| 13 | Viborg | 26 | 6 | 7 | 13 | 29:40 | 25 |
| 14 | Esbjerg | 26 | 5 | 9 | 12 | 28:48 | 24 |
