TRÝST á PÍLIN á MYNDINI, og síggj hæddarpunktini frá EM-dystinum í hondbólti millum Kroatia og Ísland. Kroatar, sum eru vertir fyri EM-endaspælinum vunnu greitt 29-22, men í fyrra hálvleiki vóru íslendingar væl við, og vóru bert aftanfyri 13-14 í steðginum.
Í sama bólki í EM-endaspælinum, bólki A vann Svøríki fyrr í dag 30-25 (16-10) á Serbia.
Kroatia hevur fýra stig, Ísland og Svøríki hava tvey stig, og Serbia hevur einki stig.
Týsdagin spælir Ísland ímóti Serbia og Kroatia spælir ímóti Svøríki í seinasta umfarinum í bólki A.
Hæddarpunktini eru frá YouTube rásini hjá evropeiska hondbóltssambandinum.
