Í fýra kappingarárið var liðið sum Erna Solberg og Sissel Kyrkjebø halda við, Brann Bergen liðið hjá Gilla R. Sørensen.
Undan hesum kappingarárinum skifti Gilli til Odd í Skien, og í dag vitjaði Gilli saman við liðfeløgunum í Odd á Brann leikvøllinum í Bergen.
Odd vann 3-1 á Brann. Stóra hetjan hjá Odd gjørdist Mushaga Bakenga sum skoraði hattrick fyri Odd. Øll málini komu í seinna hálvleiki.
Brann - Odd 1-3 (0-0)
0-1: Mushaga Bakenga (50 br.)
0-2: Mushaga Bakenga (72.)
1-2: Jon-Helge Tveita (81.)
1-3: Mushaga Bakenga (88.)
Gilli spældi allan dystin fyri Odd í dag.
Odd liggur nú á sjeynda plássi í bestu norsku fótbóltsdeildini við níggju stigum. Komandi hóskvøld fær Odd vitjan av Tromsø í Skien.
Her ber til at síggja hæddarpunktini frá 3-1 sigrinum hjá Odd í Bergen í dag: https://www.odd.no/video
