Gilli R. Sørensen spældi allan dystin og hann legði upp til fyrsta málið hjá Odd, ið vann týðandi 3-1 sigur á Haugesund á útivølli.
Sigurin merkir, at Odd við 26 stigum hevur níggju stig niður til niðurflytingarstrikuna í bestu norsku fótbóltsdeildini.
Tá vóru bara spældir sjey minuttir tá Gilli hegnisliga spældi Joshua Gaston Kitolano frían í brotsteiginum hjá Haugesund, og liðfelagin sveik ikki.
Haugesund javnaði undan steðginum, men Odd tryggjaði sær sigurin við tveimum málum í seinna hálvleiki.
Sunnudagin spælir Odd á heimavølli móti Molde, ið liggur næstovast í deildini.
HER ber til at síggja hæddarpunktini frá dystinum millum Haugesund og Odd.
