Hvussu ger man sushi úr føroyskum laksi frá Bakkafrost? Tað vísir japanski kokkurin Master Sushi Chef Hiroyuki Terada í videobroti á YouTube saman við føroyska kokkinum Gutta Winther. Teir gera tað, sum teir kalla "Tropical Sushi Roll".
Master Sushi Chef Hiroyuki Terada telist millum bestu japansku kokkarnar í heiminum, og hann er serliga kendur frá sínum virksemi á YouTube. Hann leggur við jøvnum milumbili videobrot út, har hann ger ymiskt slag av mati, og hann hevur næstan tvær milliónir fylgjarar. Hann hevur eitt nú eisini gjørt mat við kenda sjónvarpskokkinum Gordon Ramsey.
Hiro hevur brúkt laks frá Bakkafrost í sínari matgerð seinastu átta árini, og hetta summarið hevur hann verið ein túr í Føroyum, her hann hevur fungerað sum eitt slag av ambassadøri fyri Bakkafrost. Japanski kokkurin hevur lagt fleiri ymisk videobrot út á sína síðu við matgerð úr føroyskum rávørum.
Sí videobrotið her:
##med2##
