Viljormur Davidsen og liðfelagarnir í Vejle eru framvegis ósigraðir aftaná trý umfør eru leikt í bestu donsku fótbóltsdeildini.
Viljormur Davidsen spældi allan dystin tá Vejle frammanfyri einum útseldum heimavølli spældi javnleik 1-1 ímóti AGF. 10.254 áskoðarar vóru til dystin, so tað er sum í gomlum døgum hjá Vejle.
Einki mál kom í fyrra hálvleiki. Bror Blume legði AGF á odda tá 11 minuttir vóru farnir av seinna hálvleiki.
Løtu seinni vann Allan Sousa Vejle eitt brotsspark tá hann var feldur í brotsteiginum hjá AGF, og hann setti sjálvur brotssparkið hegnisliga í netið.
Vejle hevur fimm stig fyri tríggjar dystir. Komandi leygardag kemur meistaraliðið, FC Midtjylland á vitjan á Nørreskoven leikvøllinum í Vejle, og sannlíkt er, at tað aftur verður útselt til tann dystin.
TRÝST á PÍLIN á MYNDINI, og síggj hæddarpunktini frá dystinum millum Vejle og AGF.
