Seinastu vikurnar hava føroyski landsliðsspælarin, Brandur Hendriksson Olsen og liðfelagarnir í Helsingborgs IF, ið nú skulu royna seg í næstbestu svensku fótbóltsdeildini, Superettan havt uppstart til kappingarárið sum er fyri framman.
Ígjár spældu teir í Helsingborg ársins fyrsta venjingardyst móti Torns IF, ið spælir í triðbestu deildini. Helsingborg hevði teir flestu málmøguleikarnar, og Brandur hevði eisini eina góða skotroynd, men Torns IF lógu eisini framvið.
Helsingborg vann 1-0 við einum sigursmáli Simon Bengtsson skoraði tá eitt stórt korter var leikt av seinna hálvleiki.
Í Helsingborg eru teir glaðir fyri at kunna byrja nýggja fótbóltsárið við einum sigri.
HER ber til at síggja ein stuttan samandrátt frá dystinum Helsingborg spældi ígjár:
##med2##
