Brandur H. Olsen byrjaði inni tá lið hansara, Helsingborg ígjár vann sannførandi 3-0 sigur á Akrapolis í dysti í næstbestu svensku fótbóltsdeildini. 

Brandur legði upp til fyrsta málið við einum framúr góðum hornasparki, tá Charlie Weberg legði Helsingborg á odda aftaná 18 minuttirs spæl.

Í seinna hálvleiki økti Helsingborg við tveimum málum. Úrslitini lagaðu seg soleiðis, at Helsingborg nú er næstfremst í deildini við 30 stigum, og liggur sostatt á einum beinleiðis uppflytingarplássi til bestu deildina.

Mánakvøldið 23. august tekur Helsingborg móti Vasalund, ið liggur næstaftast í deildini við 16 stigum.

HER ber til at síggja hæddarpunktini frá dystinum Akrapolis-Helsingborg 0-3 (0-1): 

##med2##