Tað gongur væl hjá Ara Mohr Jónsson og liði hansara, Sandnes ULF.
Aftaná fýra dystir eru teir í Sandnes framvegis ósigraðir aftaná tveir sigrar og tveir javnleikir í næstbestu norsku fótbóltsdeildini.
Ígjár vóru Ari og liðfelagarnir og vitjaðu gamla føroyingaliðið í Sogn og Fjordane, Sogndal. Har eydnaðist tað Sogndal at vinna 2-0. Magnus Retsius Grodem legði Sandnes á odda uppá beinleiðis fríspark tíðliga í seinna hálvleiki. Tá ein stórur tími var farin av dystinum økti Sanel Kapidzic til 2-0 við einum góðum stútara aftaná hornaspark.
Ari Mohr Jónsson spældi allan dystin.
Sandnes liggur á triðja plássi við átta stigum. Ranheim og Tromsø hava níggju stig hvør, og tey spæla ein innanhýsis dyst klokkan 18 í kvøld.
Komandi mánadag tekur Sandnes móti Ullsaker/Kisa, ið hevur fingið fimm stig fyrstu fýra dystirnar.
HER ber til at síggja hæddarpunktini frá dystinum Sogndal-Sandnes ULF 0-2 (0-0) :
<iframe src="https://video.qbrick.com/play2/embed/player?accountId=1127816&mediaId=46d132b15c034358b5017055b185a34c&pageStyling=styled" allowfullscreen="true" frameborder="0" border="0" width="640" height="360"></iframe>
