Í kvøld spældu Jana Mittún og liðfelagarnir dyst á útivølli móti Nykøbing-Falster í bestu donsku hondbóltsdeildini.
Nykøbing Falster vann dystin 31-26. Í steðginum var heimaliðið á odda 18-16.
Jana var noterað fyri eitt mál, men royndist aftur væl við assistum. Í kvøld legði Jana upp til fýra mál.
Við ósigrinum misti Viborg fyribils fjórða plássið til Nykøbing Falster. Viborg er nummar fimm í deildini við 28 stigum fyri 23 dystir. Nykøbing Falster hevur 29 stig.
Viborg hevur tríggjar dystir eftir at leika í grundspælinum.
Mikukvøldið 26. mars hevur Viborg heimadyst móti verandi meistarunum, Team Esbjerg.
