Í kvøld klokkan 19.30 verður fyrilestur á Klaksvíkar bókasavni undir heitinum »Exit Klaksvík«. Heri á Rógvi, búskaparfrøðingur, fer at greiða frá teimum avbjóðingum, sum Føroyar og Klaksvík fáa í samband við, at fólkatalið í Føroyum minkar. Hví flyta fólk úr Føroyum, og hví koma so fá aftur, ið fara uttanlands at lesa.
Heri á Rógvi hevur saman við øðrum ritstjórnað bókina »Exit Føroyar«, sum kom út herfyri og viðger hetta evni.
Eisini fara Elsebeth M. Gunnleygsdóttir og Jógvan Skorheim at siga sína hugsan um, hvussu vit fáa fólk at trívast í Klaksvík.
Eftir at hesi hava sagt sína hugsan verður høvi at kjakast um evnið.
