Fyrstu venjingarnar hjá landsliðnum hevur Jógvan Martin Olsen nýtt til at fyrireika plan B, at kalla. Hetta um Jón Rói Jacobsen ikki verður tøkur til pláss í miðverjuni.
Um so er, so verður tað helst Atli Danielsen, sum fer á tað plássið, meðan Jákup á Borg og Johan Troest Davidsen røkja bakkarnar.
Verður Jón Rói tøkur, bendir tað á, at Atli fer á høgra bakk, meðan Jákup á Borg verður fluttur upp á miðvøllin fyri Símun Samuelsen.
Vinstru megin á miðvøllinum verður helst Christian Høgni Jacobsen, meðan Súni Olsen og Mikkjal Thomassen helst taka sentralu plássini. Og so verða tað Rógvi Jacobsen og Christian Holst Lamhauge, sum verða at síggja í álopinum.
