Grindin, sum varð funnin norðanfyri Haraldssund í dag, verður rikin inn nú og hildin til norðan fyri byrgingina í Hvannasundi.
- Tað sær út til at vera ein hampuliga stór grind, men tað er so ringt at meta um beint nú, sigur grindaformaður, Elmar Simonsen.
Grindin er komin inn um Múlabygd og liggur við aliringarnar. Men hon spjødd í fleiri bólkar, so tað kemur at taka eina løtu, inntil hon verður hildin til, fortelur grindaformaðurin.
Um 20 bátar eru komnir til grindina, og millum teir eru fleiri skjóttgangandi bátar.
Tað var ein útróðrarbátur, ið fann grindina um 13 tíðina í dag við Kunoyarnes.
