Fótbóltur
Undan setanini hevði Jógvan Martin havt ábyrgd av venjaraøkinum innan arbeiðið við yngru landsliðunum, og tann funktiónin varð flutt við yvir til sessin sum A-landsliðsvenjari.
- Tað gjørdu vit eisini, tí vit alla tíðina høvdu ætlanir um U-21 landsliðið. Fyri kontinuitetin í landsliðsarbeiðinum er tað upplagt, at A-landsliðsvenjarin eisini er aktivur partur av hesum, so tann partin broyta vit ikki, sigur Jens Erik Magnussen.
Fótbóltssambandið fer nú í holt við at leita eftir venjara, og sambært Jens Erik, so er tað ikki óhugsandi, at hesin verður føroyingur.
- Vit hava so ikki fastlagt nakað enn, og kemur rætti maðurin uttanífrá, so er tað sjálvandi eisini ein møguleiki. Men soleiðis, sum karmarnir eru uppbygdir, so vildi eg mett tað vera sannlíkt, at talan verður um eina føroyska loysn. Men hvør ella hvørjir hesir verða, er alt ov tíðliga at siga nakað um enn, sigur formaðurin í landsliðsnevndini.
