Andreas F. Hansen, sum er annar av høvuðsvenjarunum hjá Kyndils-kvinnum, mátti leygardagin ásanna, at tað onkra tíð kann vera meira enn bara vanliga hart at sita á beinkinum. Í seinna hálvleiki fekk hann nevnliga vøddaskaða, tá hann ta einu ferðina leyp upp frá úr sessinum á útskiftarabeinkinum.
– Eg leyp uppfrá ta einu ferðina, og tá føldi eg ein ordans brest í legginum. So tað er eingin ivi um, at eg havi fingið eina kraftiga fipur, sigur Andreas, sum í síni tíð var ein av stuðulsspælarunum hjá Kyndli. Aldurin er tó farin frá hesum, og sjálvur tók hann nú til, at hann kanska eisini var ov gamal til at vera venjari.
