Tað er bara Daniel Udsen, sum er ivasamur til landsdystin móti Eystrurríki í annakvøld. Fyrireikingarnar eru komnar væl áleiðis til dystin.
Lars Olsen og hansara menn venja í kvøld á Ernst Happel leikvøllinum, sum hýsti EM finaluni í 2008. Tað er um frostmarkið, men tað tykist ikki ávirka okkara menn, sum nokk allair hava roynt at spæla í kulda.
Longu nú sæst, at eysturríkar gera klárt dystin í morgin. Fleiri túsund eysturrísk fløgg eru at síggja á áskoðaraplássunum. Eisini er Merkið komið upp at hanga.
Teir eysturrísku fjølmiðlarnir, ið hava verið til venjingina eru allir skeptiskir undan dystinum.
- Vit minnast 1990 og alt kann henda í fótbólti, segði eitt tíðindafólk fyri eina av eysturrísku sjónvarpsrásunum.
Daniel Udsen var bara við til venjingina eina løtu.
