Góðu avrikini á føroyska landsliðnum í seinastuni, hava latið dyrnar upp fyri føroyskum leikarum í altjóða fótbólti.
Í vikuskiftinum var venjarin hjá Halli Hansson í Vendsyssel FF, Ove Christensen, í Føroyum, har hann sum skilst hevði eyguni úti føroyskum áleyparum.
Ove Christensen var í gjár millum áskoðararnar í Runavík, har NSÍ og TB spældu málleysan javnleik. Áleyparin, sum hevði serligan áhuga hjá Ove Christensen var NSÍ framherjin, Klæmint A. Olsen.
Og í dag var Ove Christensen millum áskoðararnar í Gundadali, har tað serliga var ein leikari sum hevði áhuga hjá Vendsyssel venjaranum. Tað var profilurin á B36 liðnum, Lukasz Cieslewicz.
Tískil kann tað henda, at onkur áleypari í føroysku kappingini, fer at spæla í næstbestu donsku deildini, tá kappingin byrjar aftur um gott og væl tveir mánaðar.
