24. til 28. mai verður høvuðsstaðurin karmur um nýggjan sjónleikafestival, Dagarnir. Í fimm dagar, á níggju pallum, við 14 leikum, 21 sýningum og 74 leikarum.
Norðurlandahúsið og Tjóðpallur Føroya verða karmur um festivalin, men eisini vera framførslur aðrastaðni, har vit vanliga ikki fara til sjónleik.
Á skránni standa millum annað Dark Side of the Mime hjá finska Takomo Theatre, Veitslan, sum verður aftur á palli í Føroyum og Flugo! hjá The Miracle Nuts. Eisini verður leikurin Eitt Dukkuheim framførdur í onkrum heimi, tó alt er ikki komið heilt upp á pláss enn.
Leikarafelag Føroya verður vertur fyri døgunum í tøttum samstarvi við Netverkinum fyri norðurlendskari palllist, Norðurlandahúsið og Tjóðpall Føroya.
