Hanus Sørensen og liðfelagarnir í NK Triglav spældu í dag dyst á útivølli í næstbestu slovensku fótbóltsdeildini.
Hanus var við frá dystarbyrjan, tá Ilirija tók móti NK Triglav. Men bert ein hálvleikur var leiktur.
Vegna glopraregn var dysturin avblástur, men tað verður ikki so, at allur dysturin skal spælast av nýggjum. Seinni hálvleikur verður nevnliga leiktur mikukvøldið. NK Triglav var annars á odda 1-0 í steðginum.
Men Hanus verður ikki við til at spæla seinna hálvleikin mikukvøldið, tí føroyska landsliðið skal komandi fríggjakvøld spæla móti Kroatia á Tórsvølli.
