Hauge í Gongini Djernis hevur í nakrar dagar bíðað í Haugesund eftir veðri, og meðan nakrar umvælingar vórðu gjørdar á bátinum. Men í morgun legði hann út á hav.
– Eg eru spentur. Nú verður tað av álvara hart – ævintýrið er ordiliga í gongd, sigur Hauge í Gongini Djernis.
##med2##
Siglir úr Keypmannahavn til Føroya
Ferðin byrjaði annars í Keypmannahavn fyri einum mánaði síðani. 3. mai fór hann úr Keypmannahavn norður til Kronborg, tætt við Helsingør á Sælandi. Hann sigldi nakað longur norð, áðrenn hann fór yvirum til Svøríki. Haðani fór hann tvørtur um Skagerak og kom til Risør. Síðani hevur hann siglt innanskers í Norra, til hann kom til Stavanger. Hann hevur steðgað á nógvastaðni á vegnum fyri at uppliva norsku náttúruna.
– Eg kundi siglt skjótari, men eg ynski eisini at uppliva náttúruna, bæði tey norsku fjøllini og firðirnar. Eg ynski eisini at uppliva og náttúruna í Hetlandi, sigur Hauge í Gongini Djernis.
##med3##
Dámar at sigla
Seglbáturin, hann siglir við, er ein Sagitta 35, sum er 10 metrar langur. Báturin er 50 ára gamal.
Hauge í Gongini Djernis hevur áður sagt, at hann væntar at vera í Føroyum umleið hálvan juni.
– Eg ynski at sigla til Føroya, tí at Føroyar er ein partur av mær og mínari søgu. Eg búði í Tórshavn míni fyrstu ár. So flutti eg við foreldrunum til Danmarkar. Eg byrjaði at sigla fyri tveimum árum síðani, men áðrenn tað havi eg ikki nakrar royndir við sigling, sigur Hauge í Gongini Djernis.
##med4##
