Tað eru av allar ringastu koyrilíkindum í dag og sum tað sær út nú, fer veðrið at versna út á dagin.
Landsverk sigur, at serliga norðanfyri og vestanfyri eru stak vánalig koyrilíkindi. Vestmannavegurin er í løtuni stongdur, og við Norðskálatunnilin, og á Hálsi í Sandavági, standa nógvir bilar fastir, eins og einstakir bilar hava rent seg fastar aðrastaðni í landinum eisini.
- Í løtuni er óráðiligt at koyra nógvastaðni í landinum, tí líkindini eru av teimum ringastu.
Les eisini: Bilførarar seta lív og heilsu í vanda í morgun
Nógvir bilar standa fastir, og serliga ringt er tað við Norðskálatunnilin og á Hálsi í Sandavági. Eisini um Gøtueiði og á Kambsdali eru stak vánalig koyrilíkindi. Sunnanfyri hevur verið heldur frægari føri, men tað versnar so spakuliga um alt landið, upplýsir Árni Jacobsen, økisleiðari á Landsverki.
Myndirnar niðanfyri hevur Jónstein Petersen, maskinførari á Landsverki, tikið eystarumegin Norskálatunnilin umleið klokkan 13.30 í dag.
Sí fleiri myndir frá óveðrinum við at trýsta HER
|
