Veðrið í dag:
Andøvsgul upp í ein strúk av norði, men minkandi út á dagin. Vátaslettings- ella kavaælingur og hitin millum frostmarkið og 3 stig. Fríggjanáttina bert okkurt æli og hitin niður í eini 2 kuldastig.
Veðrið fríggjadagin:
Gul til stívt andøvsgul av vestri og eitt skifti vátaslettingur ella regn. Hitin veksur til 3 til 6 stig.
Veðrið leygardagin, sunnudagin og mánadagin:
Lot av ymsum ættum og sólglottar, men lítið ella einki avfall. Hitin yvirhøvur millum 3 og 6 stig, um náttina í støðum um frostmarkið.
Í gjár:
Eitt hátrýt yvir Grønlandi breiðir seg til Ísland og Føroyar. Eystanfyri hátrýstið rekur køld luft av norði móti Føroyum.
Í dag:
Eitt veikt lágtrýst fer fríggjadagin um Føroyar av útnyrðingi, so veðrið verður eitt sindur lýggjari. Hátrýstið mennist aftur yvir Føroyum í vikuskiftinum, so tað verður útlit til góðveður.
