Kvinnurnar hjá VB kunnu nú byrja at fyrireika seg til hálvfinalu í steypakappingini.
Eftir javnleik á útivølli móti Neistanum hevði VB í dag vitjan av StÍF, og tann dystin vann VB trygt.
VB legði seg alt fyri eitt á odda, og tað var ongantíð nakar veruligur ivi um, hvønn veg sigurin skuldi fara.
Bert trý lið eru í bólki 1 hjá kvinnunum, og tí hevur VB nú tryggjað sær víðari luttøku. Hin hálvfinalisturin verður funnin, tá StÍF og Neistin avgreiða dystin, sum varð útsettur vegna veður.
VB-StÍF 26-17 (12-6)
