Síðani seinasta summar hevur Vatikanið í Rom havt eina heimasíðu, og hon vísir seg at verða væl vitjað. Vatikanið sigur, at hvønn dag vitja millum 8.000 og 10.000 fólk heimasíðuna, og at á jólum vóru 16.000 vitjandi.
Amerikanarar eru teir, sum oftast vitja heimasíðuna hjá Vatikaninum. 27 prosent av teimum vitjandi eru í USA. Tey næstu londini eru Italia, Týskland og Spania.
Á heimasíðuni hjá Vatikaninum eru tíðindi og kunngerðir um virksemið hjá katólsku kirkjuni.
