Eitt hágtrýst yvir landnyrðingsgrønlandi og eitt lágtrýst eystan fyri Føroyar bera við sær, at køld og óstøðug luft frá pólinum komandi dagarnar streymar oman yvir Føroyar av norði.
Seinnpartin í dag verður stívt andøvsgul upp í hvassan vind, 10 til 15 metrar um sekundið av norði, sum í nátt snarar í ein landnyrðing. Skýggjað og ælaveður og av og á vátaslettingur ella javi. Hitin fra beint undir frostmarkinum upp í trý hitastig.
Sunnudagin verður eitt stívt andøvsgul upp í hvassan vind av landnyrðingi, 10 til 15 metrar um sekundið. Mest skýggjað við vátaslettingi, kava- ella heglingsælum. Hitin upp í fimm hitastig, um náttina millum frostmarkið og trý hitastig.
Mánadagin verður eitt stívt andøvsgul upp í hvassan vind av landnyrðingi og vestri, 10 til 15 metrar um sekundið. Skýggjað og regn ella ælingur, partvís sum kavi. Hitin upp í fimm hitastig. Um kvøldið og náttina makar hann vindin niður í eitt gul til stívt andøvsgul av norði og útnyrðingi ella ymsum ættum, 5 til 10 metrar um sekundið. Framvegis skýggjað við vátaslettingi, kava- ella heglingsælum og hitin millum frostmarkið og fimm stig.
Týsdagin verður eitt gul til stívt andøvsgul av landnyrðing, 5 til 10 metrar um sekdunið, um náttina eitt andøvsgul upp í ein strúk av landnyrðingi, 8 til 13 metrar um sekundið. Samdrigið og ælavður og hitin millum fimm og átta stig, um náttina millum trý og fimm stig.
Mikudagin verður eitt andøvsgul upp í ein strúk av landnyrðingi, 8 til 13 metrar um sekundið. Samdrigið og ælaveður og hitin millum fimm og átta stig, um náttina millum frostmarkið og trý hitastig.
Hósdagin verður eitt andøvsgul upp í ein strúk av norði og landnyrðingi, 8 til 13 metrar um sekundið. Samdrigið og yvirhøvur turt. Hitin millum fýra og átta stig og um náttina millum eitt og trý stig.
