Russiska Katja Volovelskaja, sum er úrmælingur millum altjóða floytuleikarar, hevur búð í Havn í nøkur ár, tosar væl føroyskt og hevur undirvíst í tónleiki kring landið sum partur av Musikkskúlanum og Føroya Symfoniorkestri.
Katja vaks upp í Skt. Pætursborg, og eftir at Jarntjaldið var burtur, slapp Katja uttanlands at læra víðari í Týskalandi og síðan í Noregi. Haðani kom hon til Føroya og hevur búð her síðan.
Trýst á pílin undir myndini og hoyr samrøðuna, sum Óli Breckmann hevði við Katju á Rás2 mikudagin.
Har greiðir Kajta frá, hvussu tað var at vaksa upp í gamla Sovjetsamveldinum, og hvussu tað kendist at koma til vesturheimin fyrstu ferð.
