Varðin byggir nýtt risavirki á Tvøroyri

Varðin Pelagic á Tvøroyri fer nú at byggja nýggja, stóra verk­smiðju á Tvøroyri.
Krist­in Michelsen, borg­ar­stjóri í Tvøroyrar kommunu, vátt­ar, at leiðslan í Varðanum á Tvøroyri hevur spurt bý­ráð­ið, um nakað stykki er at byggja eina nýggja verk­smiðju á.
Verksmiðjan, talan er um, er ein stór verksmiðja, sum skal gera fiskamjøl burtur úr tí nógva slógvinum frá upp­sjóv­ar­virk­inum.
Sum er, verða øll tey mongu tonsini flutt aðr­a­staðni til virkingar, men nú ætl­ar Varðin at gera sítt egna mjølvirki á Tvøroyri.
Kristin Michelsen sigur, at tað, sum liggur í kortunum, er, at kommunan fer at fylla út fram­við sjóv­ar­mál­a­num beint eystan fyri upp­sjóv­ar­virkið.
Landingarmiðstøðin ligg­ur í­millum uppsjóvarvirkið og stykkið, sum skal fyllast út til mjølvirkið.
Men Kristin Michelsen sig­ur, at ætlanin er, at Varð­in skal yvirtaka land­ing­ar­mið­støð­ina frá Delta Seafood, sum eigur hana.
Sum skilst er ætlanin so, at rør­leidn­ingur skal liggja í­millum uppsjóvarvirkið og mjøl­virkið, har slógvið skal renna ígjøgnum, so tað slepst und­an øllum flutningi.
Kristin Michelsen sig­ur, at kommunan fer at fyll­a eitt stykkið á nakrar tús­und fermetrar upp til nýtt byggilendi framvið sjóv­ar­mál­a­num, men akkurát, hvussu stórt tað verður, dug­ir hann ikki at siga enn.
Hann leggur afturat, at fyrsta stigið verður at broyt­a byggisamtyktina so at fyll­ast kann út og mjølvirkið byggj­ast.