Ein misteinkiligur pakki við amerikonsku sendistovuna í Keypmannahavn víst seg kortini ikki at hava misteinkiligt innihald.
Løgreglan í Keypmannahavn rykti í morgun út til amerikonsku sendistovuna í Keypmannahavn eftir at onkur hevði boðað frá »misteinkiligum viðurskiftum«.
Eisini ammonitiónsruddarar frá verjuni og sløkkiliðið í Keypmannahavn komu á staðið.
Ammonitiónsruddarar kannaðu pakkan, sum í fyrstu syfti hevði givið høvi til fráboðanina. Sambært løgregluni vísti hann seg ikki at hava nakað misteinkiligt innihald.
Ckaus Buhr, sum hevur samskiftisábyrgd hjá løgregluni í Keypmannahavn, vil ikki siga, hvat var í pakkanum.
Í sambandi við átakið, var ein partur av Dag Hammarskjölds Allé, har sendistovan er, sperraður.
Talan var um ein strekki upp á umleið 400 metrar millum Øster Farimagsgade og Kristianiagade.
Vakthavandi hjá Hovedstadens Beredskab hevur fyri Ritzau upplýst, at tey hava verið á staðnum við ákaksleiðara og sproytivogni.
Eisini var ein sjúkrabilur og ein akuttlæknabilur sendir til sendistovina, har teir stóðu klárir, upplýsir Region Hovedstaden fyri Ritzau.
Í sambandi við átakið valdið løgreglan at evakuera katólska privatskúlan Institut Sankt Joseph, sum er á Dag Hammarskjölds Allé.
/ritzau/
