Sjey dystir hava verið í 27. umfari í Premier League um vikuskiftið. Størsti dramatikkurin var í Liverpool, har Everton og Frank Lampard kendu seg snýttar móti Manchester City.
Manchester City var leikliga greidd omaná móti Everton, men tað var ikki fyrr enn tíggju minuttir fyri tíð, at gestirnir fingu hol á, tá Phil Foden takkaði fyri vánaligt verjuspæl. Bara minuttir seinni tóktist bólturin fara í hondina á Rodri í egnum brotsteigi, men eftir eitt VAR tjekk dømdi dómarin einki.
Tað hevur fingið ilt í millum annað Frank Lampard, venjara hjá Everton, sum var í øðini til tíðindafundin aftaná. Hann segði speiskur á málinum, at umberingin, sum dómarafelagið kemur við seinni, kann ikki brúkast til nakað.
Christian Eriksen er aftur á vøllinum, eftir hendingina til EM-endaspælið í summar. Brentford tapti tó 2-0 móti nýríka Newcastle, ið hevur vunnið seg úr niðurflytingarstríðnum. Burnley og Watford vunnu sær týdningarmikil stig móti Brighton og Manchester United á útivølli, meðan Leeds er í trupulleikum. Teir taptu 4-0 móti Tottenham í dag.
| 1 | Man City | 27 | 21 | 3 | 3 | 64:17 | 66 |
| 2 | Liverpool | 26 | 18 | 6 | 2 | 70:20 | 60 |
| 3 | Chelsea | 25 | 14 | 8 | 3 | 49:18 | 50 |
| 4 | Man Utd | 27 | 13 | 8 | 6 | 44:34 | 47 |
| 5 | Arsenal | 24 | 14 | 3 | 7 | 38:27 | 45 |
| 6 | West Ham | 26 | 12 | 6 | 8 | 45:34 | 42 |
| 7 | Tottenham | 25 | 13 | 3 | 9 | 35:32 | 42 |
| 8 | Wolves | 25 | 12 | 4 | 9 | 24:20 | 40 |
| 9 | Southampton | 26 | 8 | 11 | 7 | 34:37 | 35 |
| 10 | Brighton | 26 | 7 | 12 | 7 | 25:30 | 33 |
| 11 | Crystal Palace | 27 | 6 | 12 | 9 | 37:38 | 30 |
| 12 | Aston Villa | 25 | 9 | 3 | 13 | 33:37 | 30 |
| 13 | Leicester | 23 | 7 | 6 | 10 | 37:43 | 27 |
| 14 | Newcastle | 25 | 5 | 10 | 10 | 28:45 | 25 |
| 15 | Brentford | 27 | 6 | 6 | 15 | 27:44 | 24 |
| 16 | Leeds | 26 | 5 | 8 | 13 | 29:60 | 23 |
| 17 | Everton | 24 | 6 | 4 | 14 | 28:41 | 22 |
| 18 | Burnley | 24 | 3 | 12 | 9 | 22:30 | 21 |
| 19 | Watford | 26 | 5 | 4 | 17 | 25:47 | 19 |
| 20 | Norwich City | 26 | 4 | 5 | 17 | 15:55 | 17 |
