- Hatta var ein rættiliga strævin dystur, og vit eru ógvuliga væl nøgdir við sigurin. Sjálvt um vit eru sjey mál framman fyri eitt skifti í seinna hálvleiki, so føldi eg alla tíð, at H71 var væl við í dystinum, og vit vistu, at vandin lá og lúrdi. Teir komu eisini upp aftur á javnleik, men tíbetur klára vit at avgera dystin at enda, sigur Roar. Hann heldur eisini, at serliga verjan hevur gjørt, at úrslitini hjá Neistanum eru blivin meir støðug í ár.
