Íslendska hondbóltssambandið hevur tikið lut um hvørji lið skulu møtast í áttandapartsfinalunum í steypakappingini.
Tað verður eingin føroyingauppgerð í hesum umfarinum.
Allan Norðberg og liðfelagarnir í Vali skulu tó spæla dyst úti í Heimey, fríggjakvøldið 17. november. Men tann áttandapartsfinalan verður ímóti B-liðnum hjá ÍBV.
A-liðið hjá ÍBV, ið Dánjal Ragnarsson er partur av skal á heimavølli spæla áttandapartsfinalu móti Fram. Dysturin verður spældur leygardagin 18. november.
Sostatt skuldi verið góður møguleiki fyri, at bæði føroyingaliðini vinna seg í fjórðingsfinalurnar.
