Allan Norðberg og liðfelagarnir í Vali tóku í kvøld móti Stjörnuni í bestu íslendsku hondbóltsdeildini.
Valur vann dystin 34-28. Í steðginum var Valur á odda 15-9.
Valur hevur vunnið seks teir fyrstu dystirnar hetta kappingarárið, og teir eru fremst í deildini við 12 stigum.
Allan skoraði fýra mál fyri Val í kvøld.
Valur skal komandi vikuskiftið spæla tveir Europa Cup dystir í Estlandi í øðrum umfarinum í kappingini.
Mótstøðuliðið verður Polva Serviti.
