Klokkan 15 byrjaði valkafé í Miðlahúsinum, sum verður send beinleiðis á Rás2.
Tað er eitt umboð fyri hvønn flokkin, sum støkka inn á gólvið millum 15 og 17, og tey, sum møta fyri flokkarnar, eru Kári á Rógvi, Karsten Hansen, Kaj Leo Johannesen, Annika Olsen, Høgni Hoydal og Sjúrður Skaale og Poul Michelsen.
Hóast sendingin eitur valkafé, so verður tað ikki ein politisk sending sum so.
Vit fara at tosa um leyst og fast, men sjálvandi fer tað at hava sína ávirkan, at val er til Fólkatingið í dag, sigur Eyðun Klakstein, sum saman við Mirjam Pætursdóttir er vertur fyri sendingini.
Prátið verður lætt, og allarhelst verða anekdotir av ymsum slag at hoyra frá væluppløgdu valevnunum.
