Í løtuni eru tvey ísfiskalínuskip undir Føroyum, og harumframt eru eisini trý smærri fiskifør undir Føroyum við línu.
- Skipini fáa mest av toski og hýsu, og tey fáa eisini nakað av brosmu og longu. Vit rokna við, at øll skipini, sum eru á ísfiski, koma inn at landa í næstu viku.
Tað vita tey á Fiskamarknaði Føroya at siga í dag.
Lagt verður aftrat, at flestu frystilínuskip eru til fiskiskap í løtuni.
Streymurin er góður, men hann harðnar út á vikuna, sum stundar til. Tað verður nógv høgætt í næstu viku, og tí verður neyvan nógvur útróður norðanfyri.
- Helst verður nakað eystan fyri, og útróðrarbátarnir fáa mest a hýsu og nakað av toski, verður lagt aftrat.
