- Flestu partrolarar fiska upsa og koma inn at landa, sum næsta vika gongur. Fiskiskapurin er smáligur. Skipini fáa nakað av longu og toski sum hjáveiði.
Tað vita tey á Fiskamarknaði Føroya at siga.
Um djúpvatnstrolararnar verður sagt, at tríggir eru til fiskiskap, og allir fiska upsa.
- Ein kemur inn at landa mánadagin, og hinir báðir landa síðst í vikuni sum kemur.
Ein djúpvatnstrolari fiskar svartkalva og frystir veiðina umborð.
Í gjár, tá Fiskamarknaður Føroya gjørdi sínar metingar um vikuna, sum kemur, vóru bara tveir trolbátar til fiskiskap, og teir koma inn at landa mánadagin.
